Logo
 
Takorluukkat aaqqissuussaanerullu ilusissaaAnguniakkatIlloqarfiit NunaqarfiilluAsimi nunaUani nunaminertamik qinnuteqarsinnaavutitIlloqarfiit NunaqarfiilluTusarniaanermi pilersaarusiat nutaat

Nunaminertanik qinnuteqaatit

Nunaminertamik atuisoqalersinnagu nunaminertamik qinnuteqartoqartassaaq. Tamakku tassaasinnaapput atavissussanik sanaartorfissat, suut aqqutissaannik sanaartorfissat, naatsiiviliorfissat, angallaffissat assigisaallu imaluunniit angallatinik, containerinik assigisaannillu inissiigallarfissat.

 

Kommune Kujallermi tamarmi, tassa illoqarfinni, nunaqarfinni, aammalu asimi, nunaminertanik atugassanngortitsisarnermik Teknikkeqarfik isumaginnittuusarpoq.

 

Uani nunaminertamik qinnuteqarsinnaavutit

 

Kalaallit Nunaanni nunaminertanut nalunaarsuiffimmut, NIN-imut,
qinnuteqarniartunut ilitsersuut

 

Aamma Teknikkeqarfimmut saaffiginnikkuit immersugassamik ikiussavatsigit.

Nunaminertanik qinnuteqaatit tamarmik tiguneqareeraangata sanilerisanut tusarniaanerit ulluni 14-ni ingerlanneqartarput. Tamanna allattuiffissaq A4-tigut qinnuteqartumut, atorneqarnissaanut sumiinneranullu/sumut killeqarneranut paasissutissatigut (nunap assinga) pisarpoq.

Nunaminertanik qinnuteqaatit nalinginnaasumik soqutiginnittut, nutaanik illuliornerit, teknikkikkut annertuumik sanaartornissat kiisalu atorneqarnissaannut allanngortitsinerit il.il. tamanut saqqummiunneqartarput. Imaappoq piginnittut nikinneri, kuuffiit aqqutaat, aneersuartarfiit, naatsiiviit il.il. tamanut saqqummiunneqarneq ajorput.

 

Nunaminertanut tunngasut tamanut takusassiaralugit makku
tusarniaassutigineqarput: Klik her

 

Nunaminertanik qinnuteqaatit pilersaarutinut tunngaviusunut naapertuuppata kiisalu sanilerisanut tusarniaasimanerni imaluunniit tamanut saqqummiunneqarneranni akerliusoqarsimanngippat aqutsisoqarfimmit akuerineqartarput. Ingerlatsiviup nunaminertamik tunniussineq pilersaarummut tunngaviusumut naapertuutinnginnera nalilerpagu imaluunniit akerliusoqarsimappat, suliaq teknikkeqarnermut ataatsimiititaliamut saqqummiunneqassaaq.

Nunaminertanik inissiigallarfissanik qinnuteqaatit - angallatinik, containerinik assigisaannillu - teknikkeqarfimmit suliarineqartarput. Inissiigallarnerit sanilinut soqutiginnittunullu allanut (Nukissiorfiit, Tele allallu) ajoqutaasinnaappata taakku tusarniaavigineqassapput.

Januaarip aallaqqaataa 1997-i aallarnerfigalugu, kuuffissuarnik ingerlatsineq aserfallatsaaliinerillu kommuninit tiguneqarput. Kuuffinnik suliassanut inerisaanernullu suliassanut ataasiakkaanut suliarinnittussarsiuussisoqartarpoq. Kuuffilersortittoqarusutsillugu Teknikkeqarnermut Ingerlatsivik nunaminertamik assaasinnaanermullu akuersissummik qinnuteqarfigineqartassaaq.





Postboks 514 • 3920 Qaqortoq • Grønland • Telefon: +299 704 100 • www.kujalleq.glarealadm@kujalleq.gl